واشنگٹن : اوورسیز پاکستانیوں نے وائٹ ہاؤس کے سامنے چیئرمین پی ٹی آئی عمران خان کے ساتھ اظہار یکجہتی کرتے ہوئے مظاہرہ کیا۔
تفصیلات کے مطابق اوورسیز پاکستانیوں نے وائٹ ہاؤس کے سامنے چیئرمین پی ٹی آئی عمران خان کے ساتھ یکجہتی کے لئے مظاہرہ کیا۔
مظاہرے کے دوران ‘کون بچائے گا پاکستان’ عمران خاں عمران خاں کے نعروں سے فضا گونج اٹھی۔
کثیر تعداد میں مظاہرین نے امریکی صدر جو بائیڈن سے کہا کہ پاکستان میں انسانی حقوق کی خلاف بحالی اور جمہوریت کی بحالی کے لئے اپنا بھر پور کردار ادا کریں۔
مظاہرین کا کہنا تھا کہ جس طرح امپورٹڈ حکومت صحافیوں اور شہریوں کا قتل عام کر رہی ان کے دن گنے جا چکے ہیں۔
اوورسیز پاکستانیوں نے مطالبہ کیا کہ پاکستان فوری طور عام انتخابات کروا کر حکومت منتخب نمائندوں کے سپرد کی جائے۔
دوسری جانب امریکہ کے شہر ہیوسٹن میں سابق وزیر اعظم عمران خان کے ساتھ اظہار یکجہتی اور پی ٹی آئ کارکنان پر تشدد کے خلاف احتجاجی مظاہرہ ہوا۔
