پاکستان مسلم لیگ ن کے مرکزی رہنما اور وفاقی وزیر احسن اقبال نے کہا ہے کہ بغاوت پر آمادہ شخص سے مذاکرات ممکن نہیں ہیں۔

وفاقی وزیر ترقی ومنصوبہ بندی احسن اقبال نے نجی ٹی وی پروگرام میں گفتگو کرتے ہوئے کہا کہ ایک ایسا شخص جو ملک، قانون اور اداروں کے خلاف بغاوت کر رہا ہے اور اپنی انا کے لیے ملک دشمنی کی آخری سطح پر جانے کو تیار ہے۔ ایسے شخص سے مذاکرات ممکن نہیں ہیں۔

احسن اقبال کا کہنا تھا عمران خان اپنی غلطیوں پر سجدہ سہو کریں او کنپٹی پر پستول رکھ کر کہیں کہ میں مذاکرات کروں گا تو یہ ایسا ہے کہ قانون شکنی کے رویے کو سند قبولیت دے دی جائے۔

ن لیگی رہنما نے کہا کہ قانون شکنی اور بغاوت پر تحقیقات ہونی چاہیے۔ وہ اداروں کی دھجیاں اڑا رہا ہے اور اداروں کی مہربانی اس پر جاری ہے۔ اگر عمران خان قانون شکنی کریں گے تو ریاست کو اس سے نمٹنا آتا ہے۔

Comments