کراچی : نجی ایئرلائن ائیرسیال نے سعودی عرب کے لیے پروازوں کی تعداد میں اضافہ کرتے ہوئے عمرہ زائرین کے لیے بکنگ کا آغاز کردیا۔
تفصیلات کے مطابق رمضان المبارک میں عمرہ زائرین کی تعداد میں اضافے کے پیش نظر نجی ایئرلائن ائیرسیال نے سعودی عرب کے لیے پروازوں کی تعداد میں اضافہ کردیا۔
ائیرسیال نے لاہور سے سعودی عرب کے لئے ہفتہ وار 4 پروازیں آپریٹ کرنے کا فیصلہ کیا ہے، پروازیں لاہور سے جدہ کے مابین آپریٹ کی جائیں گی ، ائیر سیال 29 مارچ سےہفتہ وار 4 پروازیں آپریٹ کرے گی۔
نجی ایئرلائن ائیرسیال نے عمرہ زائرین کے لیے بکنگ کا بھی آغاز کردیا ہے۔
گذشتہ روز ایئرسیال نے بین الاقوامی فضائی آپریشن شروع کرنے کا فیصلہ کرتے ہوئے کہا تھا کہ پہلے مرحلے میں جدہ کے لیے فلائٹ آپریشن شروع کیا جائے گا۔
ایئرسیال انتظامیہ نے جدہ فلائٹ آپریشن شروع کرنے سے متعلق سی اے اے کو پلان فراہم کردیا ہے، ایئر سیال 29 مارچ سے جدہ کیلئے پروازیں چلا کر بین الاقوامی فلائٹ آپریشن کا آغاز کرے گی۔
