پاکستان اور افغانستان کے درمیان تین ٹی 20 میچوں کی سیریز شروع ہونے سے قبل شارجہ میں قومی ٹیم کا فوٹو شوٹ ہوا جس میں کھلاڑیوں نے دلچسپ پوز بنائے۔
پاکستان اور افغانستان کے درمیان تین ٹی 20 میچوں پر مشتمل ایکشن سے بھرپور سیریز آج سے شارجہ میں شروع ہو رہی ہے سیریز سے قبل گرین شرٹس کا فوٹو شوٹ ہوا جس میں قومی کھلاڑیوں نے اسٹائلش انداز اختیار کرنے کے ساتھ ساتھ گیند اور بلے کے ساتھ دلچسپ پوز بھی بنوائے اور ساتھ خوب ہلا گلا بھی کیا۔
فوٹو شوٹ کے لیے ٹیم شاداب خان کی قیادت میں پہنچی جس میں اسکواڈ کے تمام کھلاڑی عبداللہ شفیق، اعظم خان، فہیم اشرف، افتخار احمد، احسان اللہ، عماد وسیم، محمد حارث، محمد نواز، زمان خان، نسیم شاہ، محمد وسیم جونیئر، صائم ایوب، شان مسعود، طیب طاہر، ابرار احمد، اسامہ میر، حسیب اللہ شامل تھے۔
فوٹو شوٹ شروع ہوا تو کھلاڑیوں نے اسٹائلش انداز میں تصاویر بنوائیں اسی دوران کھلاڑی گیند بلے کے ساتھ بھی دلچسپ پوز دیتے رہے۔ کہیں محمد حارث گیند کو بلے سے ہٹ کرنے کے انداز میں نظر آئے تو دوسری جانب زمان خان بھی گیند کو انگلیوں سے گھماتے دکھائی دیے۔
پی ایس ایل میں جارح مزاجی سے سب کے دل جیتنے والے بیٹر اعظم خان نے کیمرے کے سامنے اپنے بلے کا معائنہ کیا اور نسیم شاہ نے حارث کی گیند پر شاٹ مارنے کی کوشش کی۔
کھلاڑیوں نے مزید کئی دلچسپ پوز بھی دیے اور فارغ وقت میں خوش گپیاں اور ہلا گلا بھی کیا۔
💡📸🎬
Go behind the scenes of the Pakistan team's #AFGvPAK broadcast shoot 🇵🇰🏏#BackTheBoysInGreen pic.twitter.com/Q3jI2F1Pyv
— Pakistan Cricket (@TheRealPCB) March 23, 2023
فوٹو شوٹ کی اس دلچسپ ویڈیو کو پی سی بی نے اپنے آفیشل ٹوئٹر اکاؤنٹ پر شیئر کیا ہے جس کو صرف چند گھنٹوں میں ہزاروں صارفین دیکھ اور پسندیدگی کا اظہار کرچکے ہیں اور کئی تو کھلاڑیوں کے انداز پر دلچسپ تبصرے بھی کر رہے ہیں۔
