لاہور : صوبائی وزیراطلاعات عامرمیر نے رکاوٹیں لگا کر کر لوگوں کو پی ٹی آئی کے جلسے میں جانے سے روکنے کی تردید کردی۔
تفصیلات کے مطابق پاکستان تحریک انصاف کامینارپاکستان پر جلسے کے حوالے سے صوبائی وزیراطلاعات عامرمیر نے رکاوٹیں لگا کر لوگوں کو جلسے میں جانے سے روکنے کی تردید کردی۔
وزیر اطلاعات نے کہا کہ پولیس نے لاہورمیں جلسہ گاہ جانے والے راستے بندنہیں کئے، مخصوص مقامات پر سیکیورٹی خدشات کے پیش نظر کچھ کنٹینرز لگائے گئےہیں۔
عامر میر کا کہنا تھا کہ عوام کو سیکیورٹی فراہم کرنا اور انکی جانوں کو محفوظ بنانا حکومت کی اولین ترجیح ہے، عوامی اجتماعات کی صورت میں دہشتگردی کے خطرات بھی بڑھ جاتے ہیں۔
انھوں نے مزید کہا کہ قانون نافذکرنیوالےادارے شہریوں کو تحفظ دینےکیلئےچیکنگ کررہےہیں، کسی بھی سیاسی جماعت کے کارکنوں کو جلسے میں شمولیت سے نہیں روکا جا رہا، حکومت نے پی ٹی آئی کو جلسہ کرنے کی اجازت دی رکھی ہے۔
