گوجرانوالہ: وفاقی وزیر داخلہ راناثنااللہ کے وارنٹ گرفتاری منسوخ کرنے کیلئےعدالت میں درخواست دائرکردی گئی۔
تفصیلات کے مطابق گوجرانوالہ میں راناثنااللہ کےانسداددہشت گردی کی خصوصی عدالت سے ناقابل ضمانت وارنٹ گرفتاری جاری ہونے کے کیس کی سماعت ہوئی۔
راناثنااللہ کے وکلا ایڈووکیٹ عبد الماجدچوہدری اورایڈووکیٹ رانا سر بلند عدالت میں پیش ہوئے اور راناثنااللہ کے وارنٹ گرفتاری منسوخ کرنے کیلئےعدالت میں درخواست دائرکردی۔
وکیل راناثنااللہ نے بتایا کہ راناثنااللہ 12 بجے تک عدالت میں پیش ہو جائیں گے، جس پر عدالت نےوکلاکی درخواست پر12بجےتک مہلت دے دی۔
خیال رہے وفاقی وزیر داخلہ راناثنااللہ کوعدالت نے گرفتارکرکے پیش کرنےکاحکم دےرکھاہے ، راناثناکیخلاف تھانہ انڈسٹریل اسٹیٹ گجرات میں دہشتگردی دفعات کےتحت مقدمہ درج کیا گیا تھا۔
گوجرانوالہ:عدالت نےوزیرداخلہ کےناقابل ضمانت وارنٹ گرفتاری جاری کئے تھے اور گزشتہ پیشی پرعدالت نےوزیرداخلہ کی حاضری سے استثنیٰ کی درخواست بھی خارج کردی تھی۔
واضح رہے 21 اگست 2022کوراناثنا کیخلاف چیف سیکریٹری کو دھمکیاں لگانے پرمقدمہ درج کیا گیا تھا۔