شارجہ: قومی ٹیم کے اوپنر بیٹر محمد حارث نے افغانستان کے خلاف شکست کا ذمہ دار خود کو قرار دے دیا۔
قومی ٹیم کے اوپنر بیٹر محمد حارث نے افغانستان کے خلاف سیریز میں شکست کا ذمہ دار خود کو قرار دیتے ہوئے لکھا کہ سیریز ہارنے پر افسوس ہے۔
حارث نے ٹوئٹر پر جاری پیغام میں لکھا کہ ’میری پیاری قوم ہم جو نتیجہ چاہتے تھے وہ نہیں ملا، اس سب کا ذمہ دارمیں ہوں کیونکہ میں نے ٹیم کو اچھا آغاز فراہم نہیں کیا جس کا مجھے افسوس ہے۔‘
انہوں نے مزید لکھا کہ ’اس تجربے سے ہم سیکھیں گے اور مستقبل میں اچھا کھیلیں گے، انشا اللہ۔‘
Dear my nation. Not the result we wanted. I am responsible as I did not provide a good start for my team. Really sorry but we will learn from this experience and come back stronger In ShAA Allah.
— Muhammad Haris (@iamharis63) March 27, 2023
حارث کی ٹوئٹ پر مداح ان کا حوصلہ بڑھا رہے ہیں.۔
خیال رہے کہ نوجوان بیٹر محمد حارث نے افغانستان کے تین میچز میں صرف 22 رنز بنائے۔
گزشتہ روز کھیلے گئے آخری ٹی ٹوئنٹی میں پاکستان نے افغانستان کو 66 رنز سے شکست دی تھی جب کہ اس سے قبل ابتدائی دونوں میچز افغانستان نے قومی ٹیم کو شکست دی تھی۔
