اسلام آباد: نواز شریف 18 اپریل کو عمرہ ادا کرنے سعودی عرب روانہ ہوں گے۔
ذرائع کے مطابق سابق وزیر اعظم میاں نواز شریف لندن سے اٹھارہ اپریل کو سعودی عرب روانہ ہوں گے، جہاں وہ عمرہ کا فریضہ ادا کریں گے۔
ذرائع کا کہنا ہے کہ مریم نواز بھی 10 اپریل کو سعودی عرب روانہ ہوں گی، اور شریف خاندان سعودی عرب میں عمرہ ادا کرے گا۔
دوسری طرف وزیر اعظم شہباز شریف کا عید کے بعد دورہ سعودی عرب کا امکان ہے، جب کہ اس بات کا قوی امکان ہے کہ نواز شریف عیدالفطر بھی سعودی عرب میں منائیں گے۔
واضح رہے کہ میاں نواز شریف صحت کی خرابی کے باعث علاج کی غرض سے گزشتہ تین سال سے زائد عرصے سے برطانیہ کے دارالحکومت لندن میں مقیم ہیں۔ گزشتہ سال ڈاکٹروں نے ان کو سعودی عرب جانے یا عمرہ نہ کرنے کا بھی مشورہ دیا تھا۔
