بالی ووڈ کی معروف اداکارہ سارہ علی خان نے شادی سے متعلق دلچسپ خواہش کا اظہار کردیا۔
بھارتی میڈیا رپورٹس کے مطابق اداکارہ سارہ علی خان نے حال ہی میں اداکارہ شہناز گل کے پوڈ کاسٹ میں شرکت کی اور شادی سے متعلق مختلف سوالات کے جوابات دیے۔
سارہ علی خان نے کہا کہ انہیں شادی کرنے کے لیے صحیح وقت کا انتظار ہے۔
انہوں نے مزاحیہ انداز میں کہا کہ ’شادی ابھی نہیں، پہلے مجھے ایک اندھے اور پاگل انسان کی تلاش ہے کیونکہ اگر کوئی سمجھدار انسان ہوا تو وہ مجھے فوراً پہچان لے گا اور بھاگ جائے گا۔
واضح رہے کہ سارہ علی خان متعدد فلموں میں اداکاری کے جوہر دکھا چکی ہیں اور وہ سیف علی خان اور امریتا سنگھ کی صاحبزادی ہیں۔
یاد رہے کہ سارہ علی خان کی فلم ’گیس لائٹ‘ 31 مارچ کو بڑے پردے کی زینت بنی، سارہ نے فلم میں ’میشا‘ کا کردار نبھایا ہے جبکہ دیگر کاسٹ میں وکرانت ماسے، چترانگدا سنگھ ودیگر شامل ہیں۔
View this post on Instagram
علاوہ ازیں سارہ علی خان، ہومی اداجانیہ کے پراجیکٹ ’مرڈر مبارک‘ کی شوٹنگ میں مصروف ہیں جس میں ان کے ساتھ کرشمہ کپور بھی شامل ہیں۔
اس سے قبل سارہ علی خان نے ایک انٹرویو میں کارتک آریان کے ساتھ کام کرنے کی خواہش کا اظہار کیا تھا، ان کا کہنا تھا کہ اگر ’عاشقی 3‘ کے لیے رابطہ کیا گیا تو وہ کام کرنے کے لیے بالکل تیار ہیں۔
