کراچی : پاکستان سوسائٹی آف نیورولوجی کے مطابق ملک میں فالج سے روزانہ کم ازکم چار سو افراد کی اموات ہوتی ہیں، فالج کا بڑا ہدف جوان اورخواتین ہیں، جن میں سالانہ دو فیصد اضافہ ہورہا ہے۔
ماہرین کا کہنا ہے کہ ہائپرٹینشن، ذیابیطس اور تمباکونوشی کی عادت میں مبتلا افراد فالج کے خطرے سے زیادہ دو چار رہتے ہیں، نوجوانوں اور خواتین میں فالج تمباکونوشی اور مرغن خوراک کے روزمرہ استعمال کی وجہ سے دیکھنےمیں آیا ہے۔
دنیا بھر میں اموات کی دوسری بڑی وجہ اور معذوری میں فالج اول نمبر پر ہے۔
- Advertisement -
ماہرین کا کہنا ہے کہ دن میں کم از کم تیس منٹ کی سخت ورزش اور کم چکنائی والی غذا کے استعمال سے بیماریوں سے بچاؤ ممکن ہے۔
