حیدرآباد: بھارتی شہر حیدر آباد میں ایک افسوس ناک واقعہ پیش آیا ہے جس میں ایک بچے نے حادثاتی طور پر مچھر مار دوا پی لی اور وہ جاں بحق ہو گیا۔
بھارتی میڈیا کے مطابق حیدر آباد کے چندا نگر، تارا نگر میں ہفتہ کے روز مچھر مار دوا پینے سے ایک 15 ماہ کے لڑکے کی موت واقع ہو گئی۔
رپورٹس کے مطابق ذاکر نامی بچہ گھر میں اکیلا کھیل رہا تھا کہ اس دوران اس نے ماسکیٹو لیکویڈ پی لیا۔
والدین نے ذاکر کو بیڈ روم میں نیم بے ہوشی کی حالت میں پایا تو اسے فوری طور پر قریبی اسپتال پہنچایا گیا، لیکن اس کی جان نہیں بچائی جا سکی اور دوران علاج انتقال کر گیا۔
چندا نگر پولیس کا کہنا تھا کہ واقعے سے متعلق تحقیقات کی جا رہی ہے۔
