اسلام آباد: وفاقی دارالحکومت کے ایئر پورٹ پر صفائی پر مامور عملہ آپس میں لڑ پڑا، جس کی ویڈیو سامنے آ گئی ہے۔
تفصیلات کے مطابق اسلام آباد ایئر پورٹ پر جینٹورل عملے کی کمی کی وجہ سے صفائی نہ کرنے پر عملے کے ارکان آپس میں لڑ پڑے۔
ذرائع کا کہنا ہے کہ ایئر پورٹ پر ٹھیکے داری نظام کے تحت صفائی عملے کی کام نہ کرنے پر بحث و تکرار ہوئی تھی، عملے میں تلخ کلامی گالم گلوچ کے ساتھ لڑائی تک پہنچ گئی۔
- Advertisement -
اس واقعے کی ایک ویڈیو سامنے آئی ہے جس میں دیکھا جا سکتا ہے کہ صفائی کر نے والا عملہ آزادانہ لاتوں گھونسوں کا استعمال کر رہا ہے۔
واضح رہے کہ ریٹرن شپ پر کام کرنے والے 300 ملازمین کو ملازمت سے برطرف کر دیا گیا تھا۔
