لاھور: ماڈل ٹاون میں گلو بٹ کی جانب سے گاڑیوں کے شیشے توڑنے کے خلاف لاھور ہائی کورٹ میں کیس کی سماعت آج ہوئی۔ عدالت نے فیصلہ محفوظ کرلیا۔ گلو بٹ جب پیشی کے لئے پہنچیں تو عدالت کے باہر فرش پر سجدے کردیئے۔
گلوبٹ نے اپنی پیشی میں اندازبدل دیا اور اب گلو بٹ کو بھی میڈیا میں ان رہنا آگیا۔ گاڑیوں کے پوسٹمارٹم اسپیشلسٹ گلو بٹ نے ہاتھ میں تسبیح رکھنے کے بعد امام ضامن بھی باندھ لیا۔
صحافیوں نے سوال کیاکہ اگر سزا ہو گئی تو کیا کریں گے تو گلوبٹ نے کہا کہ سزا کے بعد بھی سجدے کریں گے لیکن اپنی بےگناہی پر یقین ہے۔
- Advertisement -
مشھور زمانہ گلوبٹ نے بدلا ہے اپنا انداز اور اب وہ سزاسے بچنے کے لئے روحانیت سے مدد حاصل کر نے لگے۔ پہلے کی توڑپھوڑ اب کررہے ہیں دعائیں۔ چار دن کی جیل نے گلوبٹ کے انداز بدل ڈالے۔
