اسلام آباد: پاکستان میڈیکل اینڈ ڈینٹل کونسل کی تشکیل مکمل ہو گئی۔
تفصیلات کے مطابق ترجمان وزارت صحت نے کہا ہے کہ وزیر اعظم شہباز شریف نے پاکستان میڈیکل اینڈ ڈینٹل کونسل کی تشکیل کی منظوری دے دی۔
پی ایم ڈی سی کے ممبران کو 4 سال کے لیے منتخب کیا گیا ہے، کونسل کے ممبران کی تقرری کا عمل میرٹ پر کیا گیا، بلوچستان سے منتخب ڈاکٹر ڈاکٹر تہمینہ اسد کا تعلق پس ماندہ علاقے پشین سے ہے۔
- Advertisement -
ترجمان کے مطابق 70 سے زائد امیدواروں نے انٹرویو میں حصہ لیا، سرچ کمیٹی کے سربراہ وفاقی وزیر صحت عبدالقادر پٹیل ہیں۔
وزیر صحت عبد القادر پٹیل نے اس حوالے سے اپنے بیان میں کہا کہ سرچ کمیٹی کی تکمیل سے میڈیکل ایجوکیشن کے شعبے میں بہتری آئے گی۔
انھوں نے کہا کہ میڈیکل ایجوکیشن سے منسلک تمام مسائل کو ترجیحی بنیاد پر حل کیا جائے گا، صحت کے شعبے میں اصلاحات کا عمل تیزی سے جاری ہے۔
