کراچی : یوم علیؓ کے مرکزی جلوس کی سیکیورٹی پر شہربھرمیں 4 ہزار 096 افسران و اہلکار تعینات کردیئے گیے۔
تفصیلات کے مطابق یوم علیؓ کے مرکزی جلوس کے حوالے سے پولیس نے سیکیورٹی پلان تیار کرلیا، جس کے تحت شہربھرمیں4096 افسران و اہلکار تعینات کیے جائیں گے۔
سیکیورٹی پلان میں کہا گیا کہ بکتربندگاڑیاں،موٹرسائیکل اسکواڈاوربم ڈسپوزل اسکواڈجلوس کی گزرگاہوں پرموجود ہوں گے اور 15ایس ایس پیز،51ڈی ایس پیزاور100 سے زائد خواتین اہلکاربھی سیکیورٹی پرمامورہوں گی۔
پلان کے مطابق پولیس کی8بکتربندگاڑیاں اور54موبائلیں بھی سیکیورٹی کےلیےموجودہوں گی جبکہ ایس ایس یو اور آر آر ایف کے جوانوں کوبھی تعینات کیا گیا ہے۔
آئی جی سندھ غلام نبی میمن نے ہدایت کی کہ یوم علیؓ پر صوبےبھرمیں فول پروف سیکیورٹی اقدامات کو یقینی بنایا جائے اور مرکزی جلوس کی گزرگاہوں،مجالس کے مقامات پرسیکیورٹی کومؤثربنایا جائے۔
آئی جی سندھ کا کہنا تھا کہ جلوس کےتمام راستوں،انٹری پوائنٹس پرسیکیورٹی کوغیرمعمولی بنایاجائے۔
کراچی میں مرکزی جلوس نشتر پارک سے نکل کر شام کو کھارادر میں واقع امام بارگاہ حسینیہ پہنچے گا، اس موقع پر سکیورٹی کے پیش نظر شہر کے مختلف علاقوں میں موبائل سروس بھی بند ہے۔
