سوشل میڈیا پر ایک ویڈیو وائرل ہوئی ہے جس میں دیکھا جا سکتا ہے کہ ایک روبوٹ، جس کے بارے میں یہ ہم جانتے ہیں کہ وہ انسانوں کی طرح نہیں تھکتا، دن بھر کام کر کے آخر کار تھک کر گر پڑا۔
ترقی یافتہ ممالک میں ’الیکٹرانک انسانوں‘ یعنی روبوٹس سے خدمات لیتے لیتے اب انسانوں کو ایک طویل عرصہ ہو چکا ہے، یہاں تک کہ اب روبوٹکس بہت زیادہ مقبول ہیں، اور صنعتوں میں ان کا بڑے پیمانے پر استعمال ہو رہا ہے۔
ہم یہ جانتے ہیں کہ ان مشینوں کو کام کے مطابق پروگرام کیا جا سکتا ہے، انسانوں کی جگہ ان کی تعیناتی کی اہم وجہ یہ ہے کہ ان میں انسانوں کی نسبت تھکے بغیر زیادہ دیر تک کام کرنے کی صلاحیت ہوتی ہے۔
Video of a robot collapsing in a scene that seemed to fall from tiredness after a long day’s work… pic.twitter.com/EFw8giecrM
— Videos that will surprise you 😳 (@moistonig) April 11, 2023
تاہم، ایک ویڈیو منظر عام پر آئی ہے جس میں ایک روبوٹ کو کنویئر بیلٹ پر پلاسٹک کے ڈبے رکھتے ہوئے دکھایا گیا ہے، یہ ویڈیو فاسٹ فارورڈ میں ہے، جس سے پتا چلتا ہے کہ وہ پورا دن کام کرتا رہا، اور آخر میں جب اس نے ایک ڈبہ اٹھایا تو اسے اٹھاتے ہی ایسے گر پڑا، جیسے وہ کام کرتے کرتے تھک گیا ہو۔
ویڈیو انٹرنیٹ پر آتے ہی وائرل ہو گئی ہے، اب تک اسے 13 ہزار مرتبہ دیکھا گیا۔
