بدھ, مئی 22, 2024
اشتہار

انوکھی شرط نے شادی کے خواہش مند نوجوانوں کیلیے بڑی مشکل کھڑی کر دی

اشتہار

حیرت انگیز

بھارت کی ریاست راجستھان میں نگر دھکڑ کمیونٹی نے 16 مئی کو ہونے والی اجتماعی شادیوں کی تقریب میں داڑھی والے دُلہوں کی شادی پر پابندی عائد کر دی۔

میڈیا رپورٹس کے مطابق نگر دھکڑ کمیونٹی نے خبردار کیا ہے کہ اگر اجتماعی شادیوں کی تقریب میں کوئی دُلہا داڑھی میں پایا گیا تو اس پر 21 ہزار روپے کا جرمانہ عائد کیا جائے گا۔

کمیٹی کے جنرل سکریٹری بابولال ڈھاکڑ اور میڈیا انچارج شیوجی لال ڈھاکڑ نے بتایا کہ اس متعلق ایک اجلاس ہوا جس میں جوڑوں کی زیادہ سے زیادہ رجسٹریشن پر خصوصی زور دیا گیا۔

- Advertisement -

انہوں نے بتایا کہ اجلاس میں 108 دیہاتوں کے لوگوں نے اجتماعی شادیوں کی تقریب پر اپنے خیالات کا اظہار کیا۔ اجلاس میں رجسٹریشن کی تاریخ میں توسیع کرتے ہوئے اسے 8 مئی تک کیا گیا۔

اجلاس میں طے ہوا کہ داڑھی منڈوانے والے دُلہے کو تقریب میں شرکت کی اجازت دی جائے گی جبکہ خلاف ورزی پر 21 ہزار روپے کا جرمانہ ہوگا۔

تقریب میں ایک حجام کی خدمات بھی حاصل کی جائیں گی تاکہ اگر کوئی دُلہا داڑھی کے ساتھ وہاں آتا ہے تو سب سے پہلے اسے کلین شیو کیا جائے گا۔

تاہم اجلاس میں داڑھی سے متعلق فیصلے کے پیچھے مقصد کے بارے میں نہیں بتایا۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں