لاہور: وزیر اعظم شہباز شریف نے لاہور میں زیر تعمیر لاہور برج کا پر 24 گھنٹے کام کر کے 2 ہفتے میں مکمل کرنے کی ہدایت کی جبکہ انہوں نے عید کی چھٹیوں پر کام کرنے والے مزدوروں کو 3 گنا اجرت ادا کرنے کی بھی ہدایت کی۔
تفصیلات کے مطابق وزیر اعظم شہباز شریف نے لاہور میں زیر تعمیر لاہور برج کا دورہ کیا، اس موقع پر نگران وزیر اعلیٰ پنجاب اور چیف سیکریٹری سمیت دیگر متعلقہ حکام بھی موقع پر موجود رہے۔
وزیر اعظم کو بریفنگ میں بتایا گیا کہ یہ ایل ڈی اے کا منصوبہ ہے، اوور ہیڈ برج کی لمبائی 540 میٹر اور چوڑائی 11.1 میٹر ہے۔
وزیر اعظم نے منصوبے پر 24 گھنٹے کام کر کے 2 ہفتے میں مکمل کرنے کی ہدایت کی جبکہ انہوں نے عید کی چھٹیوں پر کام کرنے والے مزدوروں کو 3 گنا اجرت ادا کرنے کی بھی ہدایت کی۔
وزیر اعظم نے سی بی ڈی منصوبے پر تھرڈ پارٹی تبدیل کرنے کی ہدایت کرتے ہوئے کہا کہ منصوبے کی جلد تکمیل سے لوگوں کو سہولت میسر آئے گی۔
