کراچی: پولیس مقابلہ میں خودکش حملہ آور سمیت تین دہشتگرد ہلاک ہوگئے، ملزمان تبت سینٹر پر ماتمی جلوس پرحملے کی منصوبہ بندی کررہے تھے۔
کراچی سپرہائی وے کے نزدیک پولیس نے خفیہ اطلاع پر دہشتگردوں کی گرفتاری کے لیے چھاپہ مارا تو ملزمان نے پولیس پر فائرنگ شروع کردی، پولیس کی جوابی کارروائی میں خودکش حملہ آور سمیت تین دہشت گرد مارے گئےجبکہ ایک دہشتگرد قاری نوراللہ فرار ہونے میں کامیاب ہوگیا۔
پولیس کا کہنا ہے کہ ہلاک دہشتگرد تبت سینٹر پر ماتمی جلوس پر حملہ کرنے کی منصوبہ بندی کررہے تھے، جن کا گروپ دس سے بارہ افراد پر مشتمل ہے پولیس نے دہشتگردو ں کے قبضے سے خود کش جیکٹس اور بھاری مقدار میں دھماکہ خیز مواد برآمد کرلیا ہے۔
- Advertisement -
