مغربی ہوا کے کم دباؤ کا سسٹم آج بلوچستان میں داخل ہونے کا امکان

کراچی: مغربی ہوا کے کم دباؤ کا سسٹم آج بلوچستان میں داخل ہونے کا امکان ہے۔

محکمہ موسمیات کے مطابق آج بلوچستان میں مغربی ہوا کے کم دباؤ کا سسٹم داخل ہوگا، اس سسٹم کے تحت کراچی میں بھی گرج چمک کے ساتھ بارش کا امکان ہے۔

محکمہ موسمیات کا کہنا ہے کہ کراچی میں کل سے بارشیں متوقع ہیں، جب کہ آج شہر کا موسم گرم رہے گا، اور دن میں مطلع ابر آلود اور جزوی ابر آلود رہے گا۔

شہر کا موجودہ درجہ حررات 25 ڈگری سینٹی گریڈ ہے، 10 کلو میٹر فی گھنٹے کی رفتار سے ہوا چل رہی ہے، دن میں درجہ حرارت 33 سے 35 ڈگری سینٹی گریڈ تک رہے گا۔

محکمہ موسمیات کے مطابق دن میں ہوا 20 سے 25 کلو میٹر فی گھنٹے کی رفتار سے چلے گی۔

Comments