لاہور: سابق وزیراعلیٰ پنجاب چوہدری پرویز الہیٰ کا کہنا ہے کہ شریف خاندان کی تاریخ ہے انہوں نےکوئی عقل کا کام نہیں کیا۔
تفصیلات کے مطابق میڈیا سے گفتگو میں مرکزی صدر پاکستان تحریک انصاف چوہدری پرویز الہیٰ نے کہا کہ شریف خاندان کی تاریخ ہے انہوں نے کوئی عقل کاکام نہیں کیا، انہوں نے آٹا تقسیم کیا ہر جگہ اموات ہوئیں۔
انہوں نے کہا کہ پنجاب اور کے پی کی نگران حکومت ن لیگ کی مشاورت سے بنی، ن لیگ کی سوچ صرف انتقامی سیاست کی ہے، میں جب بھی اقتدار میں رہا ان کیخلاف ایک کیس بھی نہیں بنایا۔
سابق وزیر اعلیٰ کا کہنا تھا کہ نگران حکومت 2 ماہ کیلئے آئی اور مقدمات کی بھر مار کر دی، استحقاق کمیٹی نہ ججز کو بلوا سکتی ہے نہ انکے معاملات زیر بحث لاسکتی ہے۔
چوہدری پرویزالٰہی نے مزید کہا کہ میں نے راناثنااللہ کو آموں کا تحفہ دیا تھا، ہمارا تحریک انصاف میں شمولیت کا فیصلہ درست تھا۔
