اسلام آباد : وزیراعظم شہباز شریف نے دو ٹوک الفاظ میں کہا کہ ملک میں الیکشن ایک ہی روز ہوں گے، پارلیمنٹ سپریم ہے اس کا فیصلہ قبول کرنا ہو گا۔
تفصیلات کے مطابق وزیراعظم شہباز شریف کی جانب سےارکان پارلیمنٹ کےاعزازمیں ظہرانے کا اہتمام کیا گیا، شہباز شریف اسپیکربنکویٹ ہال پہنچے۔
اراکین پارلیمنٹ نے وزیر اعظم شہباز شریف کا استقبال کیا، اس موقع پر وزیراعظم نے تمام اراکین پارلیمنٹ کو عید کی مبارکباد دی۔
آصف زرداری اوربلاول بھٹوبھی اسپیکربنکویٹ ہال پہنچے جبکہ اتحادی جماعتوں کے ارکان کے علاوہ اپوزیشن لیڈر اور پی ٹی آئی منحرف ارکان بھی شریک ہوئے۔
وزیراعظم شہباز شریف نے اراکین پارلیمنٹ کے اعزاز میں ظہرانہ سے خطاب میں ملک کی مجموعی صورتحال ارکان اسمبلی کے سامنے رکھ دی۔
وزیراعظم شہبازشریف نے دوٹوک مؤقف میں کہا کہ ملک میں الیکشن ایک ہی روز ہوں گے، پارلیمنٹ سپریم ہے اس کا فیصلہ قبول کرنا ہو گا۔
شہباز شریف کا کہنا تھا کہ حکومت ہر معاملے پر پارلیمنٹ کے فیصلوں پر عمل یقینی بنائے گی، پارلیمنٹ کی بالادستی پر کوئی سمجھوتہ نہیں ہو گا۔
