بالی ووڈ کے سلطان سلمان خان نے ٹی وی شو میں خود کو پیار کے معاملے میں بدقسمت قرار دے دیا۔
سوشل میڈیا پر جاری ٹی وی پروگرام کے پرومو میں میزبان رجت شرما سلمان خان سے سوال کرتے ہیں کہ پہلی، پھر دوسری، پھر تیسری اور چوتھی آپ کا یہ موو آن کا سلسلہ تو ختم ہی نہیں ہو رہا جس کے جواب میں سلمان خان نے کہا کہ ’میں محبت میں بدقسمت رہا ہوں۔‘
میزبان نے سلمان سے پوچھا کہ آج کل آپ کی جان کون ہے اور کس سے کمٹمنٹ کی ہوئی ہے؟
سلمان خان ہنستے ہوئے بولے آج کل میں صرف بھائی ہوں، جسے چاہتا تھا کہ مجھے جان بلائیں وہ آج کل مجھے بھائی کہتی ہیں تو میں کیا کروں۔‘
واضح رہے کہ سلمان خان کی فلم ’کسی کا بھائی کسی کی جان‘ حال ہی میں ریلیز ہوئی جس میں انہیں ’بھائی جان‘ کہہ کر پکارا جاتا ہے۔
سلمان خان کے مداح یہ جاننے کے لیے بے تاب ہیں کہ وہ کس جانب اشارہ کررہے ہیں یا پھر وہ فلم کے سین سے متعلق ہی بات کررہے تھے۔
