لاہور : مسلم لیگ ن کے سینیئر رہنما شاہد خاقان عباسی کا کہنا ہے کہ مفت آٹا اسکیم میں 20ارب کی چوری انکشاف نہیں حقیقت ہے، تحقیقات ہوئیں تو بتادوں گا کیسے اورکہاں چوری ہوئی۔
تفصیلات کے مطابق سابق وزیراعظم شاہد خاقان عباسی نے اےآروائی نیوز کو خصوصی انٹرویو دیتے ہوئے پرویزالہٰی کے گھر پر چھاپے کے دوران جو ہواوہ درست نہیں تھا، عمران خان ماضی میں یہ سب کرتےرہےاورپرویزالہیٰ کا حصہ تھے۔
پرویزالہٰی کے گھر پر چھاپے کے حوالے سے شاہد خاقان عباسی کا کہنا تھا کہ چھاپےسےوفاق کا تعلق نہیں یہ پنجاب پولیس ہے جہاں نگراں حکومت ہے، محسن نقوی کواگر معاملےکا نہیں پتہ تو پتہ کرلیں کہ کس نے کیا۔
View this post on Instagram
سابق وزیراعظم نے کہا کہ بکتربند گاڑی لیکر کسی لیڈر یا عام شہر کے گھر بھی نہیں جانا چاہیے، ہر ادارہ اپنی حد طے کرتا ہے لیکن بد قسمتی سے ہمارے ملک میں یہ نہیں ہوسکا۔
ان کا مزید کہنا تھا کہ ایک دن یہ ہوگا کہ عدلیہ فیصلہ دے گی اورپارلیمنٹ نہیں مانےگی، وزیر قانون کہہ رہےہیں ججزتعیناتی پر قمرباجوہ سے مشاورت کی تو کی ہوگی، آئین،قانون میں ایسی مشاورت کی اجازت نہیں تو پھر نہیں کرنی چاہیے تھی۔
ملک کی موجودہ صورتحال پر سوال کے جواب میں شاہد خاقان عباسی نے کہا کہ ناراض نہیں دکھ،افسوس،غصہ ہےکہ ہمیں پرواہ نہیں ملک کی کیا حالت کردی۔
پی ٹی آئی سے مذاکرات کے حوالے سے ن لیگی رہنما کا کہنا تھا کہ مذاکرات ناکام ہی ہیں کیونکہ پی ٹی آئی کی نیت خراب ہوتی ہے، فیٹف ، نیب معاملے پر2 بار پی ٹی آئی سےبات چیت کا تجربہ کرچکا، دونوں بار پی ٹی آئی نےمذاکرات شروع کئے پھر کہا ہم سےاین آرو مانگتے ہیں۔
سابق وزیراعظم نے ایک بار پھر کہا کہ مفت آٹا اسکیم میں 20ارب کی چوری انکشاف نہیں حقیقت ہے، میں نےجو نمبرزبتائےہیں یہ کم ہیں، چوری اس سےزیادہ ہے، تحقیقات ہوئیں تو بتادوں گا کیسے اورکہاں چوری ہوئی۔
