شوبز کے معروف اداکاروں نے عمران خان کی گرفتاری پر ردعمل دیتے ہوئے اسے قوم کے لیے سیاہ دن قرار دے دیا۔
شوبز انڈسٹری کے معروف اداکار شان شاہد، مایا علی، مریم نفیس، احسن محسن اکرام، ارمینا رانا خان، صبا قمر، عدنان صدیقی، گوہر رشید، احسن محسن اکرام، انوشے اشرف، گلوکار حسن رحیم، ماڈڈل زارا پیرزادہ نے عمران خان کی گرفتاری پر ردعمل دیا ہے۔
شان شاہد نے ٹوئٹر پر لکھا کہ ’اللہ مدد فرما دیں، عمران خان کے لیے قوم دعا گو ہے۔
ALLAH.. madad farma dain 🤲🏻.. @ImranKhanPTI is in the prayers of the nation.. pic.twitter.com/Q8smPcEVok
— Shaan Shahid (@mshaanshahid) May 9, 2023
منال خان کے شوہر و اداکار احسن محسن اکرام نے لکھا کہ عمران خان کی گرفتاری کے بعد ریڈ لائن کراس ہوگئی۔
اداکارہ مریم نفیس نے عمران خان کی گرفتاری پر اسٹوری شیئر کی جبکہ امر خان نے بھی انسٹاگرام اسٹوری شیئر کرتے ہوئے موجودہ صورتحال پر غصے کا اظہار کیا۔
ماہرہ خان نے ملکی صورتحال کے پیش نظر اللہ سے مدد طلب کی۔
اداکارہ مایا علی نے عمران خان کی گرفتاری کو قوم کے لیے سیاہ دن قرار دیا اور لکھا کہ اپنے کپتان اور واحد وزیراعظم کو ان لوگوں کے ہاتھوں میں ایسے دیکھنا مضحکہ خیز ہے، انہوں نے یہ بھی لکھا کہ اور کتنا کرو گے؟
مایا علی نے مزید لکھا کہ ’اس مشکل وقت میں لوگوں کی مدد کریں اور ایک قوم کی طرح اپنے ملک کے لیے ایسے ہی کھڑے رہیں جیسے ہمارے کپتان چاہتے ہیں۔‘
گلوکارہ اور پی ٹی آئی کی حامی عینی خالد نے بھی لکھا کہ اللہ ان ظالموں کی کمر توڑ دے۔
انہوں نے لکھا کہ براہ کرم اپنے گھروں سے نکلو لوگوں، وہ ہمارے لیے جیل میں ہے، وہ ہمیں اپنے آئینی حقوق کے لیے لڑنے کے لیے کہہ رہا ہے براہ کرم گھر سے نکلیں اور احتجاج کریں۔‘
اداکارہ ارمینا رانا خان نے ٹوئٹر پر لکھا کہ ’ملک کی ابتر صورتحال سے بیزار ہوں۔‘
صبا قمر نے لکھا کہ ’پاکستان اب رہنے کے قابل نہیں۔‘ گلوکارہ قرۃ العین بلوچ نے کہا کہ پاکستان اب جمہوری ملک نہیں رہا۔‘
