کوئٹہ: بلوچستان میں امن و امان کی صورتحال کےپیش نظر پاک فوج کے دستے تعینات کرنے کی سمری وزیراعلیٰ کو ارسال کردی گئی۔
تفصیلات کے مطابق بلوچستان میں امن وامان کی صورتحال برقرار رکھنے کے لئے محکمہ داخلہ نے پاک فوج طلب کرنے کا فیصلہ کرلیا۔
ذرائع کا کہنا ہے کہ پاک فوج کے دستے تعینات کرنے کی سمری وزیراعلیٰ کو ارسال کردی، ایڈیشنل چیف سیکریٹری داخلہ نے سمری وزیراعلیٰ بلوچستان کوارسال کی۔
- Advertisement -
سمری میں کہا گیا کہ امن و امان کی صورتحال کےپیش نظرپاک فوج کے دستوں کی ضرورت ہے، آرٹیکل 245 کےتحت انتظامیہ کی مدد کیلئے پاک فوج کی طلبی کی منظوری دی جائے۔
گذشتہ روز وفاقی کابینہ نے وزارت داخلہ کی سفارش پرآرٹیکل 245 کے تحت پنجاب،خیبرپختونخوا،اسلام آبادمیں پاک فوج کی تعیناتی کی منظوردی تھی۔
