لاہور: پی ٹی آئی رہنما عندلیب عباسی کا کہنا ہے کہ پولیس نے تحریک انصاف وسطی پنجاب کی صدر یاسمین راشد کو گرفتار کرلیا ہے۔
عندلیب عباس نے ایک بیان میں کہا کہ ڈاکٹر یاسمین راشد ڈیفنس یا کیولری گراؤنڈ میں روپوش تھیں،وہ پولیس چھاپوں کی و جہ سےگھر میں موجود نہیں تھیں۔
عندلیب عباس نے کہا کہ ڈاکٹر یاسمین راشد کو صبح ساڑھے 6 بجے اغوا کیا گیا، 2 روز قبل یاسمین راشد کے شوہر اور دیور کو بھی گھر سے گرفتار کیا گیا تھا۔
انہوں نے مزید بتایا کہ ڈاکٹر یاسمین راشد نے لاہور سے کارکنوں کے ہمراہ اسلام آباد پہنچنا تھا۔
