تازہ ترین

رسالپور اکیڈمی میں پاسنگ آؤٹ پریڈ ، آرمی چیف مہمان خصوصی

رسالپور : آرمی چیف جنرل سیدعاصم منیر آج...

چینی باشندوں کی سیکیورٹی کیلیے آزاد کشمیر میں ایف سی تعینات کرنے کا فیصلہ

آزاد کشمیر میں امن وامان کی صورتحال برقرار رکھنے...

ملک سے کرپشن کا خاتمہ، شاہ خرچیوں میں کمی کریں گے، وزیراعظم

وزیراعظم شہباز شریف نے کہا ہے کہ کھربوں روپے...

امریکا نے دہشتگردی سے نمٹنے کیلیے پاکستانی اقدامات کی حمایت کر دی

امریکا نے دہشتگردی سے نمٹنے کے لیے پاکستان کے...

آج پاکستان سمیت دنیا بھر میں عالمی یوم مزدور منایا جا رہا ہے

آج پاکستان سمیت دنیا بھر میں عالمی یوم مزدور...

کویت جانے والے تمام مسافروں کے لیے اہم ہدایت جاری

کویت : کویتی امیگریشن حکام نے ان تمام غیرملکی تارکین وطن کیلئے خصوصی ہدایات جاری کی ہیں، جس میں کہا گیا ہے کہ کویت میں داخلے سے قبل ان ہدایات پر لازمی عمل کیا جائے۔

تفصیلات کے مطابق کویت حکومت نے کویت آنے اور جانے والوں کے لیے بائیومیٹرک نظام کو لازمی قرار دے دیا ہے۔ کویتی ذرائع ابلاغ کے مطابق وزارت داخلہ نے فضائی، زمینی اور بحری راستے سے کویت آنے اور جانے والے ملکی اور تمام غیرملکیوں کے لیے بائیو میٹرک سسٹم کو لازمی قرار دیا ہے۔

بائیو میٹرک سسٹم کے تحت دونوں ہاتھوں کی تمام انگلیوں کے پرنٹ اور چہرے کی اسکینگ کی جائے گی۔ اس ضمن میں بائیومیٹرک کے خصوصی سسٹم کویت کے تمام امیگریشن آفسز کوفراہم کردیے گئے ہیں۔

کویتی امن عامہ کے ذرائع کا اس حوالے سے مزید کہنا ہے کہ بائیو میٹرک سسٹم کا اجراء مسافروں کی سہولت کے لیے کیا گیا ہے جس کا مقصد ادارہ امن عامہ کے سسٹم کو فول پروف بنانے کے علاوہ مسافروں کو امیگریشن کی کارروائی میں ہونے والی تاخیرکوختم کرتے ہوئے مسافروں کو سہولت فراہم کرنا ہے۔

ذرائع کا مزید کہنا تھا کہ نئے سسٹم سے مسافروں کو امیگریشن کی کارروائی مکمل کرنے میں محض 40 سیکنڈ کا وقت لگے گا جبکہ کسی قسم کی انسانی غلطی کا امکان بھی ختم ہوجائے گا۔

نئے نصب کیے جانے والے بائیو میٹرک نظام کو انفارمیشن سسٹمز ایڈمنسٹریشن کے ادارے سے منسلک کیا گیا ہے جہاں مرکزی کنٹرول روم میں تمام ڈیٹا اکھٹا کیاجائے گا۔

ذرائع کا مزید کہنا تھا کہ نئے سسٹم کی وجہ سے جعل سازی کے تمام کیسز کی فوری شناخت ممکن ہوسکے گی جبکہ ایسے افراد کے بارے میں بھی معلوم ہوجائے گا جو قانون کو مطلوب ہیں یا وہ جنہیں کویت میں ہمشیہ کے لیے بلیک لسٹ کیا جاچکا ہو اور وہ کسی دوسرے جعلی پاسپورٹ پر دوبارہ کویت آنے کی کوشش کرتے ہیں۔

Comments

- Advertisement -