اسلام آباد: آئندہ بجٹ کو عوام دوست بنانے کی بھر پور تیاریاں جاری ہے، بجٹ میں مہنگائی کی شرح کو کم کرنے پر غور کیا جارہا ہے۔
ذرائع کے مطابق وفاقی کابینہ سے 15 مئی کو وفاقی بجٹ پر مشاورت کا امکان ہے جس میں کابینہ کو بجٹ کی ابتدائی حکمت عملی سے آگاہ کیا جائےگا۔
ذرائع کا کہنا ہے کہ اجلاس میں مہنگائی کی شرح کم کرنے کیلئےخصوصی اقدامات پر غور کیا جائے گا، آئندہ مالی سال مہنگائی کی شرح 36کم کر کے 21 فیصد پر لائی جائے گی۔
ذرائع نے بتایا کہ آئندہ مالی سال میں خسارہ 7.9 سے کم کرکے 5.1 فیصد پر لانےکی تیاریاں کی جارہی ہے، تمام وزاتوں اور محکموں کے بجٹ میں 8 سے 11 فیصد تک اضافے کا امکان ہے۔
اس کے علاوہ توانائی کے شعبے کے لیے سبسڈی کا حجم 975 ارب روپے رکھنے کی غور کیا جائےگا، ایف بی آر کے ٹیکس کا ہدف 9 ہزار 200 ارب روپے سے زائد رکھنے کا امکان ہے۔
ذرائع نے یہ بھی بتایا کہ ترقیاتی بجٹ میں 250 سے 300 ارب روپے اضافے کی تیاری کی جارہی ہے۔
