بالی ووڈ کی معروف اداکارہ عالیہ بھٹ نے شاہ رخ خان کے ساتھ دوبارہ کام کرنے کی خواہش ظاہر کردی۔
بھارتی میڈیا رپورٹس کے مطابق اداکارہ عالیہ بھٹ سے حالیہ انٹرویو میں سوال کیا گیا کہ وہ کونسا اداکار ہے جس کے ساتھ کام کرنا ان کا خواب ہے؟ اداکارہ نے شوہر رنبیر کپور کو چھوڑ کر شاہ رخ خان کا نام لیا۔
عالیہ بھٹ نے کہا کہ شاہ رخ خان کے ساتھ پہلے کام کرچکی ہوں لیکن میں ان کے ساتھ ایک اور فلم کرنا چاہتی ہوں۔
انہوں نے کہا کہ میں یہ کہوں گی کہ شاہ رخ خان ہی میرے خوابوں کے ساتھی اداکار ہیں۔
یاد رہے کہ عالیہ بھٹ نے 2016 میں گوری شندے کی فلم ’ڈیئر زندگی‘ میں شاہ رخ خان کے ساتھ کام کیا تھا اور یہ فلم باکس آفس پر کامیاب ہوئی تھی۔
اس فلم کی کہانی میں محبت، زندگی، رشتوں اور ذہنی صحت پر روشنی ڈالی گئی ہے۔
واضح رہے کہ شاہ رخ خان ہمیشہ سے ہی عالیہ بھٹ کے پسندیدہ اداکار رہے ہیں اور وہ اپنے کئی انٹرویوز میں اداکار کی تعریف کر چکی ہیں۔
عالیہ بھٹ کا کہنا تھا کہ شاہ رخ خان اداکاروں کی بھی حوصلہ افزائی کرتے ہیں تاکہ وہ اپنے فن کو بہتر انداز میں دنیا کے سامنے پیش کر سکیں۔
یاد رہے کہ عالیہ بھٹ کی فلم ’گنگو بائی کاٹھیا واڑی‘ نے حال ہی میں منعقد ہونے والے فلم فیئر ایوارڈ کا میلہ لوٹ لیا تھا اور کئی ایوارڈ اپنے نام کیے تھے۔
