اسلام آباد : وزیر ہوا بازی سعدرفیق نے پی آئی اے کی سعودی عرب پروازوں کی آمد و روانگی میں تاخیر پر انتظامیہ سے باز پرس کرتے ہوئے ہدایت کی عازمین کو کسی قسم کی پریشانی کا سامنا نہ کرنا پڑے۔
تفصیلات کے مطابق وزیر ہوا بازی سعدرفیق کی زیرصدارت پی آئی اے کے اجلاس کا احوال سامنے آگیا، اجلاس میں وفاقی وزیرہوابازی سعدرفیق کاپی آئی اےانتظامیہ پر اظہار برہمی کیا۔
اجلاس میں پی آئی اے کی سعودی عرب پروازوں کی آمد و روانگی میں تاخیر پر انتظامیہ سے باز پرس کی گئی ، انتظامیہ نے بریفنگ دیتے ہوئے کہا کہ دونوں جہازوں کے پرزہ جات نہ شیڈول متاثرہوا۔
وفاقی وزیرہوا بازی سعدرفیق پی آئی اے کے شعبہ انجینئرنگ پر بھی برس پڑے، مینٹی ننس نہ ہونے، پرزہ جات کی تاخیر سے آمد اور ادائیگیاں نہ ہونے پر جہاز نہیں پہنچے تھے ، پرزہ جات نہ ہونے کی وجہ سے پی آئی اے کے 2 طیارے گراؤنڈ ہیں۔
ذرائع کا کہنا ہے کہ پی آئی اےکی جانب سےبزنس پلان پرعملدرآمدنہ ہونے پر بھی وفاقی وزیر نے اظہار برہمی کرتے ہوئے کہا کہ پی آئی اے حج آپریشن سےقبل تمام طیاروں کی مینٹینس مکمل کرے۔
وفاقی وزیر نے پی آئی اے انتظامیہ کو احکامات جاری کیے کہ عازمین کو کسی قسم کی پریشانی کاسامنانہ کرناپڑے۔
