ٹوئٹر کے مالک ایلون مسک نے بلیو ٹک صارفین کو خوشخبری سنا دی۔
ایلون مسک نے جب سے ٹوئٹر کی ملکیت لی ہے وہ اس میں کئی اہم تبدیلیاں لائے ہیں جن میں سے کچھ کو پذیرائی ملی تو کئی پر صارفین نے کڑی تنقید اور اسے مسترد بھی کیا۔
حال ہی میں انہوں نے تمام اکاؤنٹس سے مفت بلیو ٹِک واپس لے لیے تھے پھر انہوں نے کئی سالوں سے غیر فعال رہنے والے اکاؤنٹس ڈیلیٹ کرنے کے احکامات بھی دیے تھے۔
اب ایلون مسک نے سماجی رابطوں کی اس ویب سائٹ میں اہم تبدیلی کا اعلان کرتے ہوئے بتایا ہے کہ ’بلیو ٹک صارفین اب ٹوئٹر پر دو گھنٹے کی ویڈیوز اپ لوڈ کرسکتے ہیں۔
خیال رہےکہ اس سے قبل ٹوئٹر بلیو سبسکرائبر ایک گھنٹےکی ویڈیو اپلوڈکرسکتے تھے اور ویڈیو کا سائز 2 جی بی تھا جو اب 8 جی بی تک کردیا گیا ہے۔
Twitter Blue Verified subscribers can now upload 2 hour videos (8GB)!
— Elon Musk (@elonmusk) May 18, 2023
اس سے قبل ایلون مسک نے نئی خبر دیتے ہوئے ٹویٹ کیا کہ بہت جلد اس پلیٹ فارم سے آپ کے ہینڈل سے کسی کو بھی وائس اور ویڈیو چیٹ ہو سکے گی اور صارف فون نمبر دیے بغیر دنیا میں کہیں بھی بات چیت کرسکیں گے۔
ان کا کہنا تھا میٹا کی جانب سے چلائی جانے والی میسجنگ سروس واٹس ایپ پر بھروسہ نہیں کیا جا سکتا۔ ٹوئٹر کا میسجنگ فیچر، مسینجر، سگنل، ٹیلی گرام اور واٹس ایپ جیسی مفت سروسز کا مقابلہ کرے گا۔
