کراچی : میٹرک بورڈ کے امتحان کے دوران اساتذہ کی جانب سے ایک طالبہ کی غیر اخلاقی انداز میں تلاشی کی ویڈیو نے تہلکہ مچا دیا۔
تفصیلات کے مطابق کراچی کے گورا قبرستان سے متصل شاہراہ فیصل پر قائم عائشہ باوانی اسکول میں طالبات کی چانچ پڑتال کے نام پر ان کی تضحیک کا معاملہ سامنے آیا ہے، اسکول میں خواتین اساتذہ نے قانون کی دھجیاں اڑا دیں۔
دوران امتحان نقل کرنے والی ایک طالبہ کو تلاشی کیلیے باہر لایا گیا، اس دوران ڈیوٹی پر موجود ٹیچرز اس کی ویڈیو بنانے میں مصروف رہیں۔ سوال یہ پیدا ہوتا ہے کہ کیا اس طرح کی غیر اخلاقی اور غیر قانونی ویڈیو بنانے والے کیخلاف کارروائی ہوگی۔
مذکورہ ویڈیو سوشل میڈیا پر وائرل ہونے کے بعد میٹرک بورڈ کے چیئرمین شرف علی شاہ اور ناظم امتحانات حبیب اللہ سہاگ نے اسکول کا دورہ کیا اور واقعے کی تٖفصیلات حاصل کیں۔
غیر اخلاقی انداز میں طالبہ کی تلاشی کی ویڈیو وائرل ہوگئی#ARYNews pic.twitter.com/DbHN3sVxsd
— ARY NEWS (@ARYNEWSOFFICIAL) May 19, 2023
ابتدائی اطلاعات کے مطابق اسکول انتظامیہ کا ساری ذمہ داری طالبہ پر ڈالتے ہوئے کہنا ہے کہ طالبہ نے دوران تلاشی ٹیچر کو ناخن مارے جس کے واضح طور پر نشانات دیکھے جاسکتے ہیں۔
اے آر وائی سے خصوصی گفتگو کرتے ہوئے کنٹرولرامتحانات حبیب اللہ سہاگ نے کہا کہ بچی سے زور زبردستی کرنے کے واقعے کی تحقیقات کررہے ہیں۔ بچی کے ساتھ زور زبردستی کی گئی ہے تو اس کی مذمت کرتا ہوں، تمام پرچوں کی خود نگرانی کررہاہوں۔
انہوں نے بتایا کہ سوشل میڈیا پرجو ویڈیوز چل رہی ہیں زیادہ تر جعلی ہیں، کنٹرولرامتحانات کا کہنا تھا کہ نقل روکنے کیلئے 93 ٹیمیں بنائی گئی ہیں جو امتحانی مراکز کے سرپرائز وزٹ کرتی ہیں
طالبہ کے والدین شدید غصے میں تھے انہوں نے میڈیا سے گفتگو کرنے سے منع کرتے ہوئے کہا کہ ان کا بچی کے رویہ انتہائی افسوس ناک تھا، اسکول طالبات کی تضحیک معمول بن چکی ہے۔
اس موقع پر اسکول ٹیچر وضاحت پر وضاحتیں دیتیے ہوئے چیکنگ کے نام غلط رویہ تسلیم کرنے سے مسلسل انکار کرتی رہیں اور ساری ذمہ داری طالبہ پر ڈال دی۔
