اسلام آباد : پاکستان تحریک انصاف کی اہم رہنما شیریں مزاری کا پی ٹی آئی چھوڑنے کا فیصلہ کرلیا ، جس کا اعلان وہ آج پریس کانفرنس میں کریں گی۔
تفصیلات کے مطابق پاکستان تحریک انصاف کی اہم رہنما شیریں مزاری کا پی ٹی آئی چھوڑنے کا فیصلہ کرلیا ، وہ کچھ دیر میں اہم پریس کانفرنس کرنے جارہی ہے۔
پریس کانفرنس میں شیریں مزاری سیاسی مستقبل کے حوالےسے اہم اعلان کریں گی۔
گذشتہ روز پاکستان تحریک انصاف کی رہنما شیریں مزاری کو رہائی کے بعد چوتھی دفعہ پھرحراست میں لے لیا گیا تھا۔
شیریں مزاری کے وکیل نے بتایا تھا کہ اڈیالہ جیل سے رہائی کے بعد شیریں مزاری کوپنجاب پولیس لے گئی،شیریں مزاری کوکہاں لیجایا گیا ہے، پولیس نے نہیں بتایا۔
یاد رہے پانچ روز قبل بھی اسلام آباد ہائی کورٹ نے تھری ایم پی او کے تحت ڈسٹرکٹ مجسٹریٹ کی گرفتاری کا آرڈر کالعدم قرار دیتے ہوئے شیریں مزاری کو رہا کرنے کا حکم دیا تھا تاہم اڈیالہ جیل سے رہائی کے بعد اسلام آباد پولیس نے شیریں مزاری کو دوبارہ گرفتار کرلیا تھا۔
خیال رہے کہ 9 مئی کے واقعات کے بعد سے متعدد پی ٹی آئی رہنماؤں کو گرفتار کرکے اڈیالہ جیل منتقل کردیا گیا تھا۔
