اسلام آباد : حکومت کی جانب سے شہدائے وطن کو خراجِ عقیدت پیش کرنے اور یکجہتی کیلئے آج عظمت شہدا کنونشن منعقد ہوگا۔
تفصیلات کے مطابق وفاقی وزیر اطلاعات مریم اورنگزیب نے سماجی رابطے کی ویب سائٹ ٹوئٹر پر شہدائے وطن کو پوری قوم کی طرف سے سلام پیش کرتے ہوئے کہا کہ شہدا کو عقیدت پیش کرنے اور یکجہتی کیلئے آج عظمت شہدا کنونشن اسلام آبادکنونشن سینٹر میں منعقدہوگا، کنونشن میں شہداکے اہل خانہ بھی شریک ہوں گے۔
مریم اورنگزیب کا کہنا تھا کہ کنویشن میں وزیراعظم سانحہ 9 مئی کی مذمت جبکہ شہدا اور غازیوں کوخراجِ عقیدت پیش کریں گے۔
شہدائے وطن کو پوری قوم کی طرف سے سلام عقیدت پیش کرنے اور ان سے یک جہتی کے لئے آج منگل کو ‘عظمت شہداء کنونشن’ اسلام آباد کنونشن سینٹر میں منعقد ہوگا جس میں شہداء کے اہل خانہ بھی شریک ہوں گے۔وزیراعظم شہباز شریف سانحہ 9 مئی کی مذمت جبکہ شہدا اور غازیوں کو خراجِ عقیدت پیش کریں گے… pic.twitter.com/anAmltI1he
— Marriyum Aurangzeb (@Marriyum_A) May 24, 2023
یاد رہے وفاقی حکومت نے پاکستان کے شہداء کی بے لوث قربانیوں کے اعزاز میں جمعرات 25 مئی کو ’’یوم شہدائے پاکستان‘‘ منانے کا فیصلہ کیا تھا، جس کی مرکزی تقریب جنرل ہیڈ کوارٹرز (جی ایچ کیو) میں ہوگی۔
اس دن کا مقصد شہداء کی لازوال قربانیوں کو یاد کرنا اور قوم کو اس پیغام کو پہنچانا ہے، شہداء اور ان کے خاندانوں کی یادگاروں کی عزت و تکریم ہر پاکستانی کا فخر ہے۔
یوم تکریم شہدائے پاکستان میں ملک بھر میں تقریبات کو نمایاں انداز میں پیش کیا جائے گا، تقریبات میں شہدائے پاکستان کو زبردست خراجِ عقیدت پیش کیا جا ئے گا۔
خصوصی پروگرام اور تقریبات میں شہدا کے ایصال ثواب کیلئے قرآن خوانی اور دعائیں ہوں گی اور افواجِ پاکستان ، پولیس ودیگر قانون نافذ کرنیوالے اداروں کی یادگارشہداکوسلامی دی جائے گی۔