برطانیہ میں ایک فارم سے فرار ہونے والی بھینسوں نے ایک گھر میں گھس کر 25 ہزار پاؤنڈ (تقریباً 90 لاکھ روپے) کا نقصان کردیا۔
سوشل میڈیا پر سامنے آنے والی ویڈیو میں دیکھا جاسکتا ہے کہ 18 بھینسیں ایسیکس میں قریبی فارم سے فرار ہوئیں اور ایک گھر میں گھس گئیں جہاں نیا سوئمنگ پول بنایا گیا تھا۔
اینڈی اور لینیٹ سمتھ جو ریٹائرڈ ہیں، ان کا کہنا تھا کہ آٹھ بھینسیں 70 ہزار پاؤنڈ کے نئے تالاب میں گھس گئیں ۔
بھینسوں نے باڑ اور پھولوں کی کیاریوں کو برباد کر دیا۔ جانوروں کو بعد میں بچا لیا گیا اور انہیں کوئی نقصان نہیں پہنچا۔
It’s hot but it’s not that hot! Moment herd of escaped water #buffalo stampede through couple’s garden and take dip in their swimming pool – causing £25,000 in damage to their Colchester #Essex home pic.twitter.com/uYM8kZpwgP
— Hans Solo (@thandojo) May 23, 2023
یہ واقعہ گزشتہ سال جولائی میں پیش آیا جب بجلی کی باڑ نے کام کرنا چھوڑ دیا جس سے ریوڑ لکڑی کی باڑ کو توڑ کر اندر گھس گیا۔
این ایف یو میوچل انشورنس کے ترجمان نے کہا کہ جوڑے کے نقصان کا ازالہ کردیا گیا ہے۔
