ممبئی: بالی وڈ کی مشہور اداکارہ عالیہ بھٹ اور رومانوی اداکار رنویر سنگھ کی نئی فلم ’راکی اور رانی کی پریم کہانی‘ کی ریلیز کی تاریخ سامنے آگئی ہے۔
بالی وڈ کے معروف ہدایتکار کرن جوہر انڈسٹری میں دھرما پروڈکشن کے 25 سال مکمل ہونے پر اپنی نئی فلم ’راکی اور رانی کی پریم کہانی‘ سے بڑے پردے پر واپس آئیں ہے۔
View this post on Instagram
راکی اور رانی کی پریم کہانی ایک کامیڈی رومانوی فلم ہے جس میں بالی وڈ کی چنچل اداکارہ عالیہ بھٹ اور رنویر سنگھ مرکزی کردار نبھا رہے ہیں۔
اس کے علاوہ فلم کی دیگر کاسٹ میں امیتابھ بچن کی اہلیہ دیا بچن، دھرمندر، شبانہ عظمی جیسے بڑے اور سینئر اداکار بھی شامل ہیں۔
View this post on Instagram
کرن جوہر نے فلم کا پوسٹر جاری کرتے ہوئے بتایا کہ بالی وڈ میں اپنی ہدایتکاری کے کیرئیر کے 25 برس مکمل ہونے کے موقع پر ناظرین کیلئے ’راکی اور رانی کی پریم کہانی‘ پیش کر رہا ہوں۔
View this post on Instagram
کرن جوہر نے دھرما پروڈکشن کی اپنی تمام فلموں کی جھلکیوں کی ویڈیو شیئر کرتے ہوئے کیپشن میں لکھا کہ ’میں نے ڈائریکٹر کی کرسی پر جو جادوئی 25 سال گزارے ہیں ان کے لیے شکر گزاری کے سوا کچھ نہیں ان 25 سالوں میں میں نے بہت کچھ سیکھا۔‘
واضح رہے کہ کامیڈی اور ڈرامہ سے بھرپور فلم ’راکی اور رانی کی پریم کہانی‘ 28 جولائی کو سنیما میں ریلیز کی جائے گی۔
