محکمہ موسمیات کی کراچی میں بارش سے متعلق پیش گوئی

کراچی: محکمہ موسمیات نے کہا ہے کہ کراچی میں آج موسم گرم اور مرطوب رہے گا، شہر میں فی الحال بارش کا کوئی امکان نہیں۔

تفصیلات کے مطابق محکمہ موسمیات نے پیش گوئی کی ہے کہ کراچی میں بارش کا فی الحال کوئی امکان نہیں ہے، آج موسم گرم اور مرطوب رہے گا اور دن میں تیز ہوائیں چلنے کا امکان ہے۔

محکمہ موسمیات کے مطابق کراچی میں مطلع جزوی ابرآلود رہے گا، شہر کا موجودہ درجہ حرارت 30 ڈگری سینٹی گریڈ ہے، ہوا کی رفتار 16 کلو میٹر فی گھنٹہ ہے۔

دن میں درجہ حرارت 34 سے 36 ڈگری سینٹی گریڈ رہنے کا امکان ہے، جب کہ دن میں ہوا 32 سے 35 کلو میٹر فی گھنٹہ کی رفتار سے چلے گی، موسمیات کا کہنا ہے کہ شہر میں سمندری ہوائیں بحال ہو گئی ہیں۔

Comments