لاہور : پنجاب بھر میں نو مئی کے واقعات پر درج مقدمات کی تفتیش کے لیے قاٸم 53 جے آٸی ٹیز کی معاونت کے لیے پراسیکیوشن ٹیمیں تشکیل دے دی گٸیں۔
تفصیلات کے مطابق انسداد دہشت گردی دفعات کے تحت پنجاب میں 9 مئی واقعات کی تحقیقات کیلئے 53جے آئی ٹیز کی قانونی معاونت کیلئے پراسیکیوشن ٹیم تشکیل دے دی۔
انسداد دہشت گردی پنجاب پراسیکیوشن کے سربراہ خرم خان نے 35 رکنی ٹیم تشکیل دی ، زبیر احمد، غفور احمد، عامر حسین، شاہد عوف شاہ سمیت 35 پراسیکیوٹرز ٹیم میں شامل ہیں۔
انسداددہشت گردی پنجاب پراسیکیوشن کے سربراہ کے دستخط سے 35 رکنی ٹیم کا نوٹیفکیشن جاری کردیا گیا ہے۔
نوٹیفکیشن کے مطابق پراسیکیوشن ٹیم 9مئی کےمقدمات کومنطقی انجام تک پہنچانے کیلئے جے آئی ٹی کی رہنمائی کرے گی جبکہ شہادتوں، شناخت کے عمل اور ثبوتوں کو اکٹھا کرنے کیلئے جےآئی ٹی کو رہنمائی فراہم کرے گی۔
پراسیکیوشن ٹیم شھادتوں اور شناخت پریڈ کے عمل میں رہنماٸی کرے گی اور ٹبوتوں کو اکٹھا کرنے میں بھی معاونت کرے گی۔
نوٹیفکیشن میں کہا گیا کہ پراسیکیوشن ٹیم ان مقدمات کو منطقی انجام تک پہنچانے کے لیے کیسز کی پیروی کرے گی۔
