لاہور: 150 سنگین مقدمات میں مطلوب ڈاکو کرامت علی عرف کاکا مارا گیا۔
تفصیلات کے مطابق لاہور میں سی آئی اے چوہنگ اور ڈاکوؤں کے درمیان فائرنگ سے متعدد وارداتوں میں مطلوب ریکارڈ یافتہ ڈاکو کرامت علی عرف کاکا ہلاک ہو گیا۔
پولیس حکام کا کہنا ہے کہ ڈاکو کی گرفتاری کے لیے پولیس ٹیم نے این سی ایف کے قریب چھاپا مارا تھا، ڈاکوؤں نے گرفتاری سے بچنے کے لیے پولیس پارٹی پر اندھا دھند فائرنگ کی، اس دوران ڈاکوؤں کی اپنی فائرنگ سے ان کا ساتھی کرامت علی شدید زخمی ہو گیا تھا جو بعد ازاں ہلاک ہو گیا۔
- Advertisement -
ہلاک ڈاکو کرامت عرف کاکا ایک سو پچاس سنگین مقدمات میں پولیس کو انتہائی مطلوب تھا، دیگر ڈاکو اندھیرے کا فائدہ اٹھا کر فرار ہو گئے، پولیس حکام کا کہنا ہے کہ ان کی تلاش جاری ہے۔
