پشاور: ریڈیو پاکستان پر پُرتشدد مظاہرے جلاؤ گھیراؤ میں ملوث 50 ملزمان گرفتار کرلیے گئے۔
اے آروائی نیوز کے مطابق 9 مئی واقعے کو پرتشدد مظاہرے جلاؤ گھیراؤ کرنے والے کے خلاف پولیس کی کارروائیاں جاری ہے، پولیس حکام کا کہنا ہے کہ اب تک ریڈیو پاکستان واقعے میں 50 ملزمان کو گرفتار کیا گیا ہے۔
پولیس حکام کا کہنا ہے کہ 10 مئی کو الیکشن کمیشن آفس پر حملے میں ملوث 30 ملزمان کو گرفتار کیا گیا ہے، ملوث ملزمان کے خلاف سرکاری ملازم کی جانچ پڑتال کیلئے اسپیشل ٹیم کام کررہی ہے۔
- Advertisement -
پولیس حکام نے بتایا کہ ویڈیوز تصدیق کے لیے جیو فینسنگ ایریا لوکیشن سے میچ کیا جارہا ہے، شواہد متعلقہ محکمہ کو بمعہ ثبوت تفصیلات فراہم کیے جائیں گی۔
پولیس حکام نے مزید بتایا کہ واقعات میں 270 افراد کو دہشتگردی دفعات کے تحت گرفتار کیا گیا۔
