ذرائع وزارت خزانہ کا بتایا ہے کہ آئی ایم ایف قرض پروگرام مکمل ہوئے بغیر ختم ہونے کا امکان ہے۔
ذرائع وزارت خزانہ کے مطابق نویں اقتصادی جائزہ کے بعد آئی ایم ایف سے معاہدہ ختم ہو جانے کا امکان ہے کیوں کہ آئی ایم ایف کی پاکستان سے قرض پروگرام کی معیاد 30 جون تک ہے۔
ذرائع کا کہنا ہے کہ حکومت بجٹ سے قبل آئی ایم ایف سے نواں اقتصادی جائزہ ہر صورت میں مکمل کرنے کی تیاریاں کررہی ہے، نواں اقتصادی جائزہ مکمل ہونے سے حکومت کو معاشی سطح پر درپیش چیلنجز میں کمی ہوگی۔
ذرائع کا بتایا ہے کہ وزارت خزانہ حکام بجٹ تجاویز پر آئی ایم ایف کے ساتھ بات چیت کر رہے ہیں، آئی ایم ایف سے دسویں اور گیارہویں اقتصادی جائزہ کیلئے وقت نہیں ہوگا، اس سے قبل ہی قرض پروگرام کا وقت ختم ہو جائے گا۔
حکام کا اس حوالے سے کہنا ہے کہ پاکستان اور آئی ایم ایف کے درمیان موجودہ قرض معاہدہ کی معیاد 30 جون ہے، موجودہ قرض پروگرام کی معیاد بڑھانے پر آئی ایم ایف سے تاحال کوئی بات نہیں ہوئی ہے۔
