کراچی: سابق کپتان قومی فٹ بال ٹیم نے چیئرمین کمیٹی ہارون ملک پر سنگین الزامات عائد کردئیے۔
تفصیلات کے مطابق ایک بیان میں محمد عیسٰی خان نے کہا کہ موجودہ کمیٹی چیئرمین تین بار اپنی مدت میں توسیع کراچکے مزید توسیع چاہتے ہیں وہ کہتے ہیں کہ وہ جون تک انجوائے کرنا چاہتے ہیں۔
سابق کپتان قومی فٹ بال ٹیم نے الزام عائد کیا کہ ہارون ملک ڈالرزکےچکرمیں توسیع چاہتےہیں، آٹھ ہزارڈالرماہانہ لینے والےسال کے25لاکھ ڈالرکمانےکےچکرمیں ہیں۔
انہوں نے کہا کہ پاکستان میں گذشتہ آٹھ سالوں سے فٹبال کے معاملات تنازعات کاشکارہیں،فیفا نےجنوری دو ہزار اکیس میں نارملائزیشن کمیٹی بنائی، کمیٹی کا کام تین مہینےمیں انتخابات کراناتھا، ایک سال میں این سی نےکچھ نہیں کیا۔
سابق کپتان فٹبال ٹیم نے الزام عائد کیا کہ این سی کی وجہ سے ڈومیسٹک فٹبال بند ہے،این سی باہرسے کمیشن پرکھلاڑی لارہی ہے اور انہیں ٹیم میں کھلا کر ان سے کمیشن کھارہی ہے، قومی ٹیم کی تشکیل میں نیشنل فٹبالرزکو نظراندازکیاجارہاہے۔
عیسیٰ خان نے مطالبہ کیا کہ فیفا کسی صورت نارملائزیشن کوتوسیع نہ دے کیونکہ مدت کےخاتمےپرسلیکشن کانعرہ مدت میں توسیغ کامنصوبہ ہے۔
