راولپنڈی: آرمی چیف جنرل سید عاصم منیر سے برطانوی چیف آف جنرل اسٹاف نے ملاقات کی ہے۔
پاک فوج کے شعبہ تعلقات عامہ (آئی ایس پی آر) کے مطابق برطانوی چیف آف جنرل اسٹاف پیٹرک نکولس یارڈلے نے جی ایچ کیو کا دورہ کیا اس دوران نہیں گارڈ آف آنر پیش کیا گیا۔
آئی ایس پی آر کا بتانا ہے کہ برطانوی چیف آف جنرل اسٹاف نے یادگار شہدا پر حاضری دی۔
- Advertisement -
ترجمان پاک فوج کا کہنا ہے کہ ملاقات میں علاقائی سلامتی اور باہمی دلچسپی کے امور پر تبادلہ خیال کیا گیا اور برطانوی چیف آف جنرل اسٹاف نے پاک فوج کی قربانیوں کو سراہا۔
برطانوی چیف نے خطے میں امن و استحکام کے لیے پاک فوج کی کوششوں کا بھی اعتراف کیا۔
علاوہ ازیں برطانوی چیف پیٹرک نکولس یارڈلے نے جوائنٹ اسٹاف ہیڈ کوارٹرز کا بھی دورہ کیا اور جنرل شمشاد مرزا سے بھی ملاقات کی۔
