کراچی :امریکی ڈالر اچانک 25 روپے سستا ہو کر 290 کی سطح تک گرگیا ، گزشتہ روز اوپن مارلیٹ میں ڈالر 315 پر ٹریڈ ہوا تھا۔
تفصیلات کے مطابق پاکستانی روپے کے مقابلے میں امریکی ڈالر کی قدر میں بڑی کمی ریکارڈ کی گئی۔
کاروباری ہفتے کے چوتھے روز اوپن مارکیٹ میں ڈالر اچانک 25 روپے تک گر گیا اور دو سو نوے میں فروخت ہونے لگا۔
انٹر بینک میں امریکی ڈالر 22 پیسے سستا ہو کر دو سو پچاسی روپے پچیس پیسے میں ٹریڈ ہورہا ہے۔
فاریکس ڈیلرز کا کہنا ہے کہ بینکوں کی جانب سے درآمد کنندگان کو ڈالر دوسو پچاسی روپے پچھتر پیسے پر فروخت کیا جا رہا ہے۔
اس حوالے سےپاکستان فاریکس ایکسچینج ایسوسی ایشن کے چیئرمین ملک بوستان نے اے آر وائی نیوز سے گفتگو کرتے ہوئے کہا کہ بتایا کہ اوپن مارکیٹ میں 25روپے تک ڈالر گر چکا ہے اور اوپن مارکیٹ میں ڈالر 290سے295کےدرمیان ہے، گزشتہ روز اوپن مارلیٹ میں ڈالر 315 پر ٹریڈ ہوا تھا۔
