بالی ووڈ کے معروف اداکارہ شاہد کپور نے انکشاف کیا ہے کہ اہلیہ میرا راجپوت شادی کے بعد ان کا کچن دیکھ کر حیران رہ گئی تھیں۔
بھارتی میڈیا رپورٹس کے مطابق اداکار شاہد کپور نے حالیہ انٹرویو میں بتایا کہ جب ان کی شادی میرا سے ہوئی اور وہ گھر آئیں تو کچن میں صرف ایک پلیٹ اور دو چمچے دیکھ کر حیران رہ گئی تھیں۔
فلم کبیر سنگھ کے اداکار نے کہا کہ میرا نے مجھ سے پوچھا کہ وہ اتنے کم برتنوں کے ساتھ کیسے رہتے ہیں؟ جس پر میں نے کہا کہ میں گھر میں اکیلا رہتا تھا تم مجھ سے اور کیا امید رکھ سکتی ہو۔
اداکار نے بتایا کہ میرا کپور نے کہا کہ ان کے گھر میں تو کھانے کے برتن بھی نہیں ہیں، جب کوئی مہمان گھر آئے گا تو انہیں کھانا کیسے کھلائیں گے ؟ جس پر شاہد کپور نے کہا کہ ’میں یہ نہیں جانتا، ہم باہر سے کھانا منگوالیں گے‘۔
شاہد کپور نے بتایا کہ شادی کے بعد وہ نئے گھر میں منتقل ہوگئے تھے تاکہ میرا کپور ان کے ساتھ اس نئے گھر میں رہ سکیں لہٰذا اس نئے گھر کا انٹیریئیر ان کی اہلیہ کی ہی پسند کا ہے اور دونوں نے اس گھر کو اپنی فیملی کی مناسبت سے سجایا ہے۔
واضح رہے کہ شاہد کپور اور میرا راجپوت 2015 میں شادی کے بندھن میں بندھے تھے۔
