سلام آباد: وفاقی وزیر خزانہ اسحٰق ڈار کی زیر صدارت اقتصادی رابطہ کمیٹی کے اجلاس میں ریڈیو پاکستان اور اے پی پی کے لیے خطیر گرانٹ منظور کرلی گئی، وزیر خزانہ نے ریڈیو پاکستان کی پنشن کا مسئلہ فوری حل کرنے کی ہدایت کی ہے۔
تفصیلات کے مطابق وزیر خزانہ اسحٰق ڈار کی زیر صدارت اقتصادی رابطہ کمیٹی کا اجلاس منعقد ہوا، اجلاس میں ریڈیو پاکستان اور اے پی پی کے لیے 70 کروڑ روپے کی گرانٹ منظور کرلی۔
ذرائع کا کہنا ہے کہ ریڈیو پاکستان کو 36 کروڑ روپے کی گرانٹ ملے گی جبکہ اے پی پی کے لیے 34 کروڑ روپے گرانٹ کی منظوری دی گئی ہے۔
- Advertisement -
وزیر خزانہ نے ریڈیو پاکستان کی پنشن کا مسئلہ فوری حل کرنے کی ہدایت کی ہے۔
انہوں نے ریڈیو پاکستان کے پنشنرز کے مسئلے کے حل کے لیے کمیٹی قائم کرتے ہوئے ہدایت کی کہ پنشنرز کا مسئلہ 3 سے 4 روز میں حل کیا جائے۔
