بالی ووڈ کے بادشاہ شاہ رخ خان کے ہمشکل شخص کی ویڈیو سوشل میڈیا پر وائرل ہوگئی۔
شوبز فنکاروں سے مشابہ افراد کی تصاویر اکثر سامنے آتی رہتی ہیں جسے دیکھ کر صارفین حیران رہ جاتے ہیں، سوشل میڈیا پر بالی ووڈ اداکار شاہ رخ خان کے ہم شکل شخص کی ویڈیو خوب وائرل ہورہی ہے جسے مداح شاہ رخ خان ہی قرار دے رہے ہیں۔
سوشل میڈیا پر وائرل ہونے والے اس شخص کا نام سورج کمار ہے اور اس کا تعلق جھارکھنڈ سے ہے۔
View this post on Instagram
سورج کمار کی ویڈیو پر سوشل میڈیا صارفین نے بھی حیرت کا اظہار کیا ہے۔ ایک صارف لکھتے ہیں کہ ’مجھے میری آنکھوں پر یقین نہیں آرہا، پہلے تو میں سمجھا کہ یہ شاہ رخ کی 90 کی دہائی کی کوئی پرانی ویڈیو ہے۔‘
ایک صارف نے لکھا ’90 کا شاہ رخ خان‘ جبکہ ایک اور صارف نے کہا کہ ’یہ 90 کے شاہ رخ خان ہیں، آپ بالکل ان ہی کی طرح نظر آتے ہیں۔‘
View this post on Instagram
ایک صارف نے تو یہاں تک کہہ دیا کہ اس نوجوان کو کم سے کم ایک بار فلموں میں کام کرنے کا موقع دینا چاہیے۔
