جنوبی افریقہ کے جاک کیلس نے کیرئیر کا اختتام دنیا کے بارہویں بہترین بیٹسمین کے طور پر کیا، جنوبی افریقہ نے بھارت سورماؤں کو دوسرے ٹیسٹ میں شکست دے کر آئی سی سی رینکنگ میں اپنی پوزیشن مزید بہتر کرلی ہے، بھارتی ٹیم سیریز ہارنے کے باوجود دوسرے اور ایشیز سیریز میں چار میچ ہارنے کے بعد بھی انگلینڈ تیسرے نمبر پر موجود ہے۔
قومی ٹیم سری لنکا کو شکست دے کر ٹاپ تھری میں آسکتی ہے، بولرز رینکنگ میں جنوبی افریقہ کے رونن فیلنڈر پہلے اور ہم وطن ڈیل اسٹین دوسرے نمبر پر ہیں، جادو گر اسپنر سعید اجمل چوتھے نمبر پر براجمان ہیں۔
بیٹسمین رینکنگ میں اے بی ڈی ویلیئرز کی ٹاپ پوزیشن مستحکم ہے، ویسٹ کے شیو نرائن چندرپال دوسرے اور نیوزی لینڈ کے روس ٹیلر تیسرے نمبر پر براجمان ہیں، جنوبی افریقہ کے جاک کیلس نے بھارت کے خلاف شاندار سینچری بنا کر کیرئیر کا اختتام دنیا کے بارہویں بہترین بیٹسمین کے طور پر کیا، پاکستانی کپتان مصباح الحق ایک درجہ تنزلی کے بعد نویں نمبر پر آگئے، یونس خان دسویں نمبر پر موجود ہیں۔
