بھارت میں شادی کے اگلے روز ہی دلہا دلہن کی کمرے سے لاشیں برآمد ہوئی ہیں۔
بھارتی میڈیا رپورٹس کے مطابق ریاست اترپردیش کے بہرائچ ضلع میں نوبیاہتا جوڑا شادی کے اگلے دن ہی کمرے میں مردہ حالت میں پایا گیا۔
پوسٹ مارٹم رپورٹ کے مطابق دلہا دلہن کی موت دل کا دورہ پڑنے سے ہوئی ہے جبکہ پولیس واقعے سے متعلق مزید تحقیقات کررہی ہے۔
- Advertisement -
22 سالہ پرتاب یادیو کی 30 مئی کو 20 سالہ پشپا سے شادی ہوئی تھی، دلہا دلہن شادی کے بعد کمرے میں گئے اور اگلی صبح مردہ پائے گئے۔
پولیس نے جائے وقوعہ پر پہنچ کر دونوں لاشوں کو پوسٹ مارٹم کے لیے اسپتال منتقل کیا۔
ایس پی پرشانت ورما کا کہنا ہے کہ پوسٹ مارٹم رپورٹ سے پتا چلتا ہے کہ دلہا اور دلہن کی موت دل کا دورہ پڑنے سے ہوئی ہے۔
میڈیا رپورٹس کے مطابق نوبیاہتا جوڑے کی آخری رسومات ادا کردی گئی ہیں۔
